Manel de Garda , sê escure sê pitrol e Electra
Cada qual ta usá compustiva quel ta marecê.Se modernidade já dgá na bô barraca , na dminha , inda el tâ longe, i el tita bem a pé; margura de vida é que teme assim….. sontmé, e Angola e tistmunha ; jám foi gente, jám tive conquem .Um tchá uns fidge pra lá . Grinhassim jás devê ter tide um promoção, â avo , a defunte ô a gongon,. Haja váres tipe de pitrol: pâ , cafuca , pa trá bóca de morte e pâ esfrega e curá dor purdente. Mi nhas dor vrá tude purdente, que mede de escure. Lá dente tambe ê escure má catem cassu bodi. Se um dzê, bsôte carditá : dôr purdente, escure purdente, escure por fora , dvide a um cosa quês inventá i que ês tcmá … ELECTRA, qual!!! ê más um … PALHACETRA ô ESCURECTRA, (cuidode bo ca deze URECTRA) , móda casa de tcheu criatura na Praia Maria, …. ( bocês ê que sabê ... bocês ê que inventál …. Agora boces ca titã pode matál; moda um gaje cunchide na Praia táva dez : Subiu ? agora dessobe !Basta, nha camada sempre um tive companhóde de EBB…
EBB = Esquecimente , Bandono e Basbequice Ebuse , Bsofaria , Bandidagem Ultmamente el transforma na :EBB: ESCURE , BREU E BROQUE na rua pâ estortegá calcanhada de cada qual. Um bom porrâ. ( purtante, TMÁ….. já nô conchê cag… e tude gente tem que sisti na lorgue …) Mi ê que sabê de nha vida : qual Electra! Mi sô um uvi fala . Pa mi è PITROLETRA,…. um cafuca fete de folha de de ilume, um padóce de turcida e meie quart de pitrol … isto é .. isto é .. cónde um câ ta ftchá TV ... pâ pode bá bri ôte cosa … ( omê ! mi nem televisão um catem.. è só força de expressão … conde nha vzin, ta estóde sem luz , (manentemente) , e el câ ta pode bri nôs TV de pov .. um ta racolhê na nhas posente , um bá chujá u quês jás tinha lavóde , produzi nhas filmim e cónsteassim, (shêt) , as vês ta bem mnene !! . Jám ta cus dóse … esperá: na Angola e sontmê fcá contê? Jám perde conta ?.. largám da mon. Uvi , ès tava quase ta pasáme um gueldrópe na pescoçe, lá pa Cabinda; estóriada de ná nome na mnene … un vgi um bem curti escure na nha terra; ei calma ,.. um bem de rapente má lá mi era colone .. um tinha tchon , de café mandioca i tude ligume que deus po na munde; mi mi não ê! …tmáme pa cander i bô ta durmi na escure ,…. Durmi na escure? Grandes nuvidade .. na escure bo ta diasá na munde …Oiá .. em vez de criá galinha vrá ta criá cruja … pal o menos bo ta tem cumpanher , e bo ca tâ bsá tchbósque de animal, conde bo finji bá bsiá se foi se quadre de luz que desligá …MI , sô um pitrolim tâ tchgám bodi … Es tita pagóbe , n´éra ?
Cada qual ta usá compustiva quel ta marecê.Se modernidade já dgá na bô barraca , na dminha , inda el tâ longe, i el tita bem a pé; margura de vida é que teme assim….. sontmé, e Angola e tistmunha ; jám foi gente, jám tive conquem .Um tchá uns fidge pra lá . Grinhassim jás devê ter tide um promoção, â avo , a defunte ô a gongon,. Haja váres tipe de pitrol: pâ , cafuca , pa trá bóca de morte e pâ esfrega e curá dor purdente. Mi nhas dor vrá tude purdente, que mede de escure. Lá dente tambe ê escure má catem cassu bodi. Se um dzê, bsôte carditá : dôr purdente, escure purdente, escure por fora , dvide a um cosa quês inventá i que ês tcmá … ELECTRA, qual!!! ê más um … PALHACETRA ô ESCURECTRA, (cuidode bo ca deze URECTRA) , móda casa de tcheu criatura na Praia Maria, …. ( bocês ê que sabê ... bocês ê que inventál …. Agora boces ca titã pode matál; moda um gaje cunchide na Praia táva dez : Subiu ? agora dessobe !Basta, nha camada sempre um tive companhóde de EBB…
EBB = Esquecimente , Bandono e Basbequice Ebuse , Bsofaria , Bandidagem Ultmamente el transforma na :EBB: ESCURE , BREU E BROQUE na rua pâ estortegá calcanhada de cada qual. Um bom porrâ. ( purtante, TMÁ….. já nô conchê cag… e tude gente tem que sisti na lorgue …) Mi ê que sabê de nha vida : qual Electra! Mi sô um uvi fala . Pa mi è PITROLETRA,…. um cafuca fete de folha de de ilume, um padóce de turcida e meie quart de pitrol … isto é .. isto é .. cónde um câ ta ftchá TV ... pâ pode bá bri ôte cosa … ( omê ! mi nem televisão um catem.. è só força de expressão … conde nha vzin, ta estóde sem luz , (manentemente) , e el câ ta pode bri nôs TV de pov .. um ta racolhê na nhas posente , um bá chujá u quês jás tinha lavóde , produzi nhas filmim e cónsteassim, (shêt) , as vês ta bem mnene !! . Jám ta cus dóse … esperá: na Angola e sontmê fcá contê? Jám perde conta ?.. largám da mon. Uvi , ès tava quase ta pasáme um gueldrópe na pescoçe, lá pa Cabinda; estóriada de ná nome na mnene … un vgi um bem curti escure na nha terra; ei calma ,.. um bem de rapente má lá mi era colone .. um tinha tchon , de café mandioca i tude ligume que deus po na munde; mi mi não ê! …tmáme pa cander i bô ta durmi na escure ,…. Durmi na escure? Grandes nuvidade .. na escure bo ta diasá na munde …Oiá .. em vez de criá galinha vrá ta criá cruja … pal o menos bo ta tem cumpanher , e bo ca tâ bsá tchbósque de animal, conde bo finji bá bsiá se foi se quadre de luz que desligá …MI , sô um pitrolim tâ tchgám bodi … Es tita pagóbe , n´éra ?
